london

லண்டனில் குண்டுவெடிப்பு : 4 பேர் பலி: 20 பேர் காயம்!


பிரிட்டன் தலைநகர் லண்டன் அருகே, மூன்று மாடிக் கட்டடத்தில் ஏற்பட்ட வெடி விபத்தில், நான்கு பேர் உயிரிழந்தனர்.

குண்டு வெடித்ததால், இந்த விபத்து ஏற்பட்டதா என, போலீசார் விசாரித்து வருகின்றனர்.

ஐரோப்பிய நாடான பிரிட்டனின் தலைநகர் லண்டன் அருகே உள்ள நகரம் லைசெஸ்டர். இங்குள்ள ஹிங்க்லே சாலையில், கடைகளும், வீடுகளும் அதிகம் உள்ளன. இந்த பகுதியில், இங்குள்ள மூன்று மாடிக் கட்டடத்தில், நேற்று முன்தினம் திடீரென, குண்டு வெடித்தது போன்ற பலத்த சத்தம் கேட்டது. இதில், அந்தக் கட்டடத்தின் ஒரு பகுதி இடிந்து விழுந்தது. இதையடுத்து, அந்த கட்டடத்தில் தீ பரவியது. இந்த விபத்தில், நான்கு பேர் உயிரிழந்தனர். 20க்கும் மேற்பட்டோர் காயமடைந்தனர்.

காயமடைந்தவர்களை மீட்கும் பணி நடந்து வருகிறது. கட்டடத்தில் அதிக சேதம் ஏற்பட்டுள்ளதால், உயிரிழப்பு மேலும் அதிகரிக்க வாய்ப்பு உள்ளதாக அஞ்சப்படுகிறது. கட்டடத்தில் குண்டு வெடித்ததால், இந்த விபத்து ஏற்பட்டுள்ளதாக, சந்தேகம் எழுந்துள்ளது. ஆனால், ‘இது பயங்கவராதிகளின் சதிச் செயல் இல்லை’ என, கூறியுள்ள போலீசார், விசாரணையை தீவிரப் படுத்தியுள்ளார்.